Palmaresa
Garaipena garaipenaren atzetik
Izugarri zabala da Orioko arraunlarien palmaresa, eta hemen eskaintzera goazena haiek lortutako garaipen guztien laburpen bat besterik ez da. Kontuan izan behar da, tosta arraunketako modalitate guztiak ezezik (Batela, Trainerila eta Trainerua), arraunketa olinpiko-aulki mugikorreko zortzi modalitateak ere praktikatzen dituztela oriotarrek (Skiffa, Skull bikoitza, Lauko Skull-a, Lemazain gabeko laukoa, Lemazaindun bikoa, Lemazaindun laukoa eta modalitate nagusia den Lemazaindun zortzikoa).
Palmares hau are ikaragarriagoa da Orioko herria zein txikia den kontuan hartuz gero. Oriok ez ditu bost mila biztanle, eta horrek ematen du azaltzera goazen palmares zabal honen neurria. AUPA ORIO!!!
TOSTAKO ARRAUNKETA
PALMARESA (1890-2000) Tostako arraunketan bostehundik gora dira lortutako lehenengo postuak; haietatik, 342 garaipen metatu ditu klubak bere historian (Trofeoak, Banderak eta Txapelketak), horrela banatuta:
- 110 Txapelketa irabazi ditu Oriok gaur arte: 2 KANTAURIko Txapelketa Trainerutan. 31 ESPAÑAko Txapelketa, 1944. urtean antolatu zirenetik: 28 senior mailan (gehiena lortu dituen Elkartea dugu Orio), 1 jubenil mailan, 1 kadete mailan eta 1 infantiil mailan. Txapelketa horietatik: 9 Bateletan, 7 Traineriletan eta 15 Trainerutan. 33 EUSKADIko Txapelketa (18 Bateletan, 11 Traineriletan eta 4 Trainerutan). 80ko hamarkadan hasi ziren hauek antolatzen jarraikortasunik gabe. 44 GIPUZKOAko Txapelketa, maila eta modalitate guztietan: (27 Bateletan, 12 Traineriletan eta 5 Trainerutan). 26 LIGAko titulu: (17 Bateletan, 6 Traineriletan eta 3 Trainerutan).
- Hasieran aipatutako 342 garaipen horiek arte falta diren gainontzekoak Kantauriko kosta osoan irabazitako beste hainbat eta hainbat Bandera eta Trofeok osatzen dituzte.
Datu ikusgarrienetako bat honako hau da: 1991-2000ko hamarkadan, 232 lehenengo postu lortu dira, tarte horretan irabazitako Banderak 201 eta Trofeoak 13 izan direlarik:
- 75 Bandera eta 2 Trofeo Bateletan.
- 32 Bandera eta 5 Trofeo Traineriletantan.
- 94 Bandera eta 6 Trofeo Trainerutan.
TRAINERUAk lortutako garaipenek merezi dute begirada bat:
- 209 garaipen eskuratu ditu traineru oriotarrak, mota guztietako estropadatan (Desafioak, Jeitsierak, Kanporaketak, Ligak, Txapelketak, Banderak eta Trofeoak): 170 bandera eta 14 Trofeo metatuz gaur arte.
- 30 bandera irabazi ditu Kontxan orain arte; Kantauriko 2 Txapelketa (1930 eta 1943); Bizkaiko Diputazioko Zilarrezko Kopa, hiru aldiz jarraian Abrako Estropadak irabazteagatik (1934,1935…1942); azken hamarkadan sortu berri den Euskadiko Traineru Ligako 3 Bandera; Españako 15, eta Euskadiko 4 Txapelketa…
- Orioko traineruak Kantauri osoan irabazi ditu banderak; honako lekuetan, besteak beste: Biarritz, Donibane-Lohitzune, Hondarribia, Pasaia, Donostia, Orio, Zarautz, Getaria, Zumaia, Ondarroa, Lekeitio, Bermeo, Elantxobe, Plentzia, Getxo, Erandio, Bilbo, Portugalete, Santurtzi, Zierbena, Castro, Santoñana, Astillero, Camargo, Santander, Luanco, Castropol, A Coruña, Vigo…
- Sevillan 1992ko Erakusketa Unibertsalean egindako estropadan (EUSKADI-EXPO-92) bandera lortu zuen Oriok.
- Irabazleen ranking-ean Orio da nagusi bandera askotan, besteak beste: KONTXAkoan (30), ESPAÑAKO TXAPELKETAn (15), NERBIOI-IBAIZABAL (8), EL CORTE INGLÉS (8), SANTOÑA (7), ZARAUTZ (6), BILBO HIRRIA (6), BERMEO (5), ORIO (4)…
- Bilboko ibaian egiten diren estropada guztietako errekorrak bereganatu ditu Oriok (Egun bateko denborak eta Denbora totalak): Villa Bilbao; Erandio; BBK-Nerbioi Sari Nagusia, eta El Corte Inglés.
- Neguko prestaketari begira, estropada-jaitsierak antolatu dira azken urteotan. Oriok irabazitakoak: Oriakoak 6, Bidasoakoak 3, Urumeako 1 eta Santoñako Badiako 1.
- Oriok irabazitako arraun-ergometroko probak: “Euskadiko Sei Orduak” Bandera jokatu den bi aldietan (1996 eta 1997); Kontxako errebantxa izendatutako proba; Bilboko La Casilla kiroldegian “El Correo” egunkariak antolatutako “La Gala del Deporte”-ko Trofeoa (1998); Beasaingo Ikastolaren Bandera, Inaugurazio ekitaldian (1999).