Euskara ikasteko diru laguntzak
Udalak laguntzak ematen dizkie herritik kanpo euskara ikasten dutenei.
Laguntza horiek irizpide hauen arabera ematen ditu Udalak:
- Laguntza jasotzeko honako baldintzak bete behar ditu ikasleak: Orion erroldatuta egotea, klaseen % 80ra joan dela frogatzea eta matrikula ordaindu duela frogatzea.
- Ikastaroa egiten zuen bitartean langabezian egon den ikasleari, matrikularen % 100 itzuliko zaio.
- Ikasle direnei % 75 itzuliko zaie.
- Beste guztiek % 50 jasoko dute.
Barnetegiko ikasleak
Barnetegian ikasten dutenentzat, berriz, hauek dira aplikatzen diren irizpideak:
- Laguntza jasotzeko honako baldintzak bete behar ditu ikasleak: Orion erroldatuta egotea, klaseen %80ra joan dela frogatzea eta matrikula ordaindu duela frogatzea.
- Udalak ez ditu diruz lagunduko ostatuari eta mantenuari dagozkion gastuak, baizik eta, bakar-bakarrik, eskola orduei dagozkienak.
- Eskola orduei dagozkien gastuen % 75 itzuliko zaie ikastaroa egiten ari ziren bitartean langabezian zeuden ikasleei.
- Eskola orduei dagozkien gastuen % 50 itzuliko zaie ikastaroa egiten ari ziren bitartean ikasle zirenei.
- Eskola orduei dagozkien gastuen % 25 itzuliko zaie beste guztiei.
Eskaera nola egin
Behin ikastaroa bukatutakoan egin behar da eskaria Udaleko Euskara Zerbitzuan.
Aurkeztu behar diren agiriak hauek dira:
- Euskaltegiak egindako ziurtagiria. Ziurtagiriak jaso beharko du: ikaslea zein mailatan ikasi duen, zenbat ordutako ikastaroa izan den, zein prezio izan duen, ikaslearen asistentzia zenbatekoa izan den...
- Ordainketa eginda dagoela justifikatzen duen kutxako edo bankuko agiria.
- Instantzia, behar bezala beteta, eredu honen arabera.